2022-ci il təkcə küsülülərin yox, həm də keçmiş sevgililərin bir araya gəldiyi bir il oldu. İlin ilk sürprizi isə bir vaxtlar “Xəzər TV” də aprıcı işləmiş Şəhla Vaqqasdan gəldi. İzləyicilərə “Çiçək” adı ilə tanış olan Şəhla Vaqqas yeni ildə keçmiş rəhbəri və “sevgilisi” olan Şamxal Həsənovu təbrik etməyi unutmayıb. Görünən odur ki, məsafələr onları ayırsa da “cütlük” bir-birini yad etməyi və xoş sözlərlə təbrik etməyi yaddan çıxarmayıb.

Xatırladaq ki, bir müddət əvvəl Şəhla Vaqqasın “Xəzər TV”-dən qalmaqallı şəkildə ayrılması ilə bağlı bəzi məlumatlar paylaşıldı. Bu məlumatlarda xanım aparıcının həmin vaxt “Xəzər TV”-nin rəhbərliyində olan Şamxal Həsənovla eşq macəralarına yer verilmişdi. İddialara görə Şamxal Həsənov atası Əli Həsənovun nüfuzuna arxalanaraq gözəl və cazibədar aparıcını cinsi qısnamaya məruz qoyub. Bunu özünə rəva bilməyən aparıcı “Çiçək” isə telekanaldakı işindən ayrılmalı olub.

Ancaq yeni il günü Şəhla Vaqqasın paylaşımı hər iki tərəfin də baş verənlərdən razı olduğunu düşündürür. Necə deyərlər, alan razı, satan razı.

Deyəsən cütlük münasibətlərini ört-basdır etmək və telekanaldan kənarda daha azad münasibət qurmaq üçün bu cür oyuna ehtiyac duyublar. Amma yeni il gününün verdiyi həyəcan və ehtiras o qədər güclü olub ki, Şəhla Vaqqas hisslərini gizlədə bilməyib. Keçmiş münasibətin dadı damağında qalan xanım aparıcı sadəcə xoş sözlərin arxasına sığınmaqla yetinməli olub.
 

Aftafa.tv

• Teqlər:
• ŞamxalHəsənov
• ƏliHəsənov
• ŞəhlaVaqqas
• Çiçək